7 ᠳ᠋ᠤᠭᠠᠷ ᠰᠠᠷᠠᠶᠢᠨ 28ᠤ ᠡᠳᠦᠷ᠂ 3 ᠡᠳᠦᠷᠦᠨ ᠬᠤᠭᠤᠴᠠᠭᠠᠲᠠᠢ ᠶᠠᠪᠤᠭᠳᠠᠭᠰᠠᠨ 37 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠷᠢᠶᠠᠯᠠᠩᠤᠨ ᠦᠵᠡᠰᠬᠦᠯᠡᠩᠦᠨ ᠴᠤᠭᠯᠠᠭᠠᠨ ᠪᠠ 13 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ ᠥᠪᠥᠷ ᠮᠣᠩᠭᠣᠯ（ᠥᠪᠥᠷ ᠮᠣᠩᠭᠣᠯᠤᠨ ᠵᠡᠭᠦᠨ ᠬᠡᠰᠡᠭ）ᠤᠨ ᠲᠠᠷᠢᠶᠠᠯᠠᠩᠤᠨ ᠮᠧᠬᠠᠨᠢᠭ᠋ᠤᠨ ᠦᠵᠡᠰᠬᠦᠯᠡᠩᠦᠨ ᠴᠤᠭᠯᠠᠭᠠᠨ ᠨᠢ ᠤᠯᠠᠭᠠᠨᠬᠠᠳᠠ ᠣᠯᠠᠨ ᠤᠯᠤᠰᠤᠨ ᠦᠵᠡᠰᠬᠦᠯᠡᠩᠦᠨ ᠲᠥᠪᠲᠦ ᠲᠡᠭᠦᠰ ᠠᠮᠵᠢᠯᠲᠠᠲᠠᠢ ᠥᠨᠳᠥᠷᠯᠡᠪᠡ᠃ ᠪᠦᠷᠢᠳᠬᠡᠯᠢ ᠦᠨᠳᠦᠰᠦᠯᠡᠪᠡᠯ᠂ ᠦᠵᠡᠭᠦᠯᠭᠡᠶᠢᠨ ᠴᠤᠭᠯᠠᠭᠠᠨ ᠨᠢ ᠨᠡᠢᠲᠡ 4.6 ᠲᠦᠮᠡᠨ ᠦᠵᠡᠭᠴᠢᠳᠢ ᠭᠥᠯᠢᠶᠡᠨ ᠠᠪᠴᠤ᠂ ᠰᠠᠨᠠᠮᠵᠢ ᠲᠠᠢᠪᠠᠷ ᠠᠷᠠᠯᠵᠢᠶᠠ ᠪᠦᠲᠦᠭᠰᠡᠨ ᠵᠣᠭᠣᠰᠤᠨ ᠲᠣᠭᠠ ᠨᠢ 23 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠢ ᠳᠠᠪᠠᠵᠤ᠂ ᠠᠬᠤᠢ ᠲᠠᠯᠠᠪᠠᠢᠳᠦ 6.9 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠤᠨ ᠠᠷᠠᠯᠵᠢᠶᠠ ᠪᠦᠲᠦᠵᠦ᠂ 967 ᠲᠦᠷᠦᠯᠤᠨ ᠵᠥᠪᠯᠡᠯᠴᠡᠭᠡᠷ ᠳᠤᠬᠢᠷᠠᠯᠴᠠᠵᠠᠢ᠃
ᠲᠤᠰ ᠬᠤᠭᠤᠴᠠᠭᠠᠨᠤ ᠦᠵᠡᠰᠬᠦᠯᠡᠩᠦᠨ ᠴᠤᠭᠯᠠᠭᠠᠨᠤ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 3.5 ᠲᠦᠮᠡᠨ ᠺᠦᠸᠡᠳ᠋ ᠮᠸᠲ᠋ᠷᠲᠦ ᠬᠦᠷᠴᠦ᠂ 1200 ᠭᠠᠷᠤᠢ ᠦᠵᠡᠭᠦᠯᠭᠡᠶᠢᠨ ᠪᠠᠢᠷᠢ ᠲᠣᠬᠢᠷᠠᠭᠤᠯᠪᠠ᠃ ᠪᠥᠬᠥ ᠤᠯᠤᠰᠤᠨ ᠮᠤᠵᠢ᠂ ᠣᠷᠣᠨ᠂ ᠬᠣᠲᠠᠶᠢ ᠪᠠᠭᠲᠠᠭᠠᠭᠰᠠᠨ 23 ᠭᠠᠵᠠᠷ ᠣᠷᠣᠨᠤ 700 ᠭᠠᠷᠤᠢ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠪᠣᠷᠤᠯᠠᠭᠤᠯᠭᠠᠶᠢᠨ ᠠᠵᠤ ᠠᠬᠤᠢᠯᠠᠯ ᠲᠣᠰ ᠤᠳᠠᠭᠠᠨᠤ ᠦᠵᠡᠰᠬᠦᠯᠡᠩᠳᠦ ᠣᠷᠣᠯᠴᠠᠵᠠᠢ᠃ ᠦᠵᠡᠭᠦᠯᠭᠡᠶᠢᠨ ᠵᠤᠢᠯᠡᠰᠲᠤ ᠲᠠᠷᠢᠶᠠᠯᠠᠩᠤᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠡᠷᠡᠭᠰᠡᠯ᠂ ᠤᠰᠤ ᠠᠷᠪᠢᠯᠠᠬᠤ ᠤᠰᠤᠯᠠᠯᠲᠠ᠂ ᠬᠦᠯᠡᠮᠵᠢ ᠵᠢᠴᠢ ᠣᠶᠤᠨᠲᠤ ᠲᠠᠷᠢᠶᠠᠯᠠᠩ᠂ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠮᠸᠬᠠᠨᠢᠭ᠋᠂ ᠥᠨᠳᠥᠷ ᠪᠠᠷᠢᠮᠵᠢᠶᠠᠲᠤ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠡᠳ᠋ ᠪᠠᠷᠠᠭᠠ ᠵᠡᠷᠭᠡ ᠤᠯᠠᠨ ᠬᠦᠷᠢᠶᠡ ᠴᠠᠷᠠᠭᠠᠶᠢ ᠬᠠᠮᠤᠷᠴᠠᠢ᠃ ᠲᠠᠷᠢᠶᠠᠯᠠᠩᠤᠨ ᠮᠠᠰᠢᠨᠤ ᠭᠡᠷᠦᠨ ᠭᠠᠳᠠᠨᠠᠬᠢ ᠦᠵᠡᠭᠦᠯᠭᠡᠳᠦ ᠭᠣᠣᠯᠳᠠᠭᠤ ᠲᠠᠷᠢᠶᠠᠯᠠᠩᠤᠨ ᠮᠸᠬᠠᠨᠢᠭ᠋᠂ ᠮᠠᠯ ᠠᠵᠤ ᠠᠬᠤᠢᠶᠢᠨ ᠮᠸᠬᠠᠨᠢᠭ᠋ ᠵᠡᠷᠭᠡ 10 ᠶᠡᠬᠡ ᠲᠦᠷᠦᠯ᠂ 30 ᠭᠠᠷᠤᠢ ᠪᠠᠭᠠ ᠲᠦᠷᠦᠯᠦᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠮᠠᠰᠢᠨ ᠵᠢᠴᠢ ᠰᠡᠯᠪᠢᠭ ᠲᠤᠨᠤᠭᠢ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ 3000 ᠭᠠᠷᠤᠢ ᠲᠦᠷᠦᠯᠦᠨ ᠲᠠᠷᠢᠶᠠᠯᠠᠩᠤᠨ ᠮᠠᠰᠢᠨ ᠪᠠᠭᠠᠵᠢᠶᠢ ᠲᠥᠪᠯᠡᠷᠡᠭᠦᠯᠦᠨ ᠳᠡᠯᠭᠡᠨ ᠦᠵᠡᠭᠦᠯᠵᠡᠢ᠃ ᠡᠭᠦᠨᠦ ᠳᠣᠲᠣᠷᠠ᠂ ᠳᠡᠭᠡᠳᠦ ᠰᠢᠨᠡ ᠮᠡᠷᠭᠡᠵᠢᠯᠦᠨ ᠲᠥᠷᠥᠯ ᠵᠤᠢᠯᠳᠤ ᠪᠠᠭᠲᠠᠬᠤ 63 ᠲᠥᠷᠥᠯ᠂ ᠲᠤᠰᠬᠠᠢ ᠠᠰᠢᠭ᠋ᠤᠨ ᠮᠡᠷᠭᠡᠵᠢᠯᠦᠨ ᠦᠢᠯᠡᠳᠬᠦᠨ 508 ᠪᠠᠢᠵᠤ᠂ ᠲᠠᠷᠢᠶᠠᠯᠠᠩᠤᠨ ᠬᠦᠷᠢᠶᠡᠨᠳᠡᠬᠢ ᠰᠢᠨᠡᠶᠢ ᠡᠭᠦᠳᠦᠭᠰᠡᠨ ᠦᠷᠡ ᠪᠦᠲᠦᠭᠡᠯ ᠪᠠ ᠬᠥᠭᠵᠢᠯᠲᠡᠶᠢᠨ ᠬᠠᠨᠳᠤᠰᠢᠶᠢ ᠭᠦᠢᠴᠡᠳ ᠬᠠᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠲᠣᠰ ᠬᠤᠭᠤᠴᠠᠭᠠᠨᠤ ᠦᠵᠡᠭᠦᠯᠭᠡᠶᠢᠨ ᠴᠤᠭᠯᠠᠭᠠᠨ ᠨᠢ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠳᠦ ᠴᠢᠬᠤᠯᠠ ᠲᠠᠪᠴᠠᠩ ᠪᠠᠢᠭᠤᠯᠵᠤ ᠥᠭᠭᠦᠭᠰᠡᠨᠢᠶᠡᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠤᠯᠠᠭᠠᠨᠬᠠᠳᠠ ᠬᠣᠲᠠᠶᠢᠨ ᠵᠠᠮ ᠬᠠᠷᠢᠯᠴᠠᠭᠠ᠂ ᠪᠠᠷᠠᠭᠠᠨᠤ ᠭᠦᠢᠯᠭᠡᠭᠡ᠂ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠵᠢᠭᠤᠯᠴᠢᠯᠠᠯ ᠵᠡᠷᠭᠡ ᠠᠵᠢᠯ ᠲᠥᠷᠥᠯᠳᠦ ᠢᠯᠡᠳᠲᠡ ᠠᠵᠤ ᠠᠬᠤᠢᠶᠢᠨ ᠳᠠᠢᠴᠢᠯᠠᠬᠤ ᠦᠷᠡ ᠠᠰᠢᠭ᠋ᠢ ᠠᠪᠴᠢᠷᠠᠵᠤ ᠥᠭᠴᠡᠢ᠂ ᠠᠩᠬᠠ ᠠᠯᠬᠤᠮᠤᠨ ᠵᠢᠱ᠌ᠢᠯᠲᠡᠪᠡᠷ᠂ ᠲᠠᠢᠴᠢᠯᠠᠭᠰᠠᠨ ᠦᠷᠡ ᠠᠰᠢᠭ᠋ ᠨᠢ 1.8 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠢ ᠳᠠᠪᠠᠭᠰᠠᠨ ᠪᠠᠢᠨᠠ᠃
