ᠵᠦᠩ ᠺᠧ ᠰᠠᠨᠰᠠᠷ ᠠᠶᠠᠯᠠᠯᠤᠨ ᠮᠡᠷᠭᠡᠵᠢᠯᠦᠨ ᠬᠤᠪᠢᠴᠠᠭᠠᠲᠤ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢᠶ᠋ᠢᠨ ᠮᠡᠳᠡᠭᠡᠶ᠋ᠢ ᠦᠨᠳᠦᠰᠦᠯᠡᠪᠡᠯ᠂ 8 ᠳ᠋ᠤᠭᠠᠷ ᠰᠠᠷᠠᠶᠢᠨ 19 ᠦ ᠡᠳᠦᠷᠦᠨ 15 ᠴᠠᠭ 33 ᠮᠢᠨᠦ᠋ᠲᠲᠦ᠂ ᠬᠦᠴᠦᠲᠦ ᠰᠣᠮᠣ ᠨᠢᠭᠡᠳᠦᠭᠡᠷ ᠠᠯᠤᠰ ᠰᠡᠷᠡᠯᠦᠨ ᠠᠷᠪᠠᠳᠤᠭᠠᠷ ᠬᠥᠯᠭᠡ ᠲᠡᠢᠷᠦᠯᠲᠦ ᠰᠤᠮᠤᠶ᠋ᠢ ᠥᠪᠥᠷ ᠮᠣᠩᠭᠣᠯᠤᠨ ᠠᠯᠠᠱᠠ ᠠᠢᠮᠠᠭᠤᠨ ᠡᠵᠡᠨᠡ ᠬᠣᠰᠢᠭᠤᠨᠳᠠᠬᠢ ᠳ᠋ᠦᠩᠹᠧᠩ ᠬᠤᠳᠠᠯᠳᠤᠭᠠᠨᠤ ᠰᠠᠨᠰᠠᠷ ᠠᠶᠠᠯᠠᠯᠤᠨ ᠰᠢᠨᠡᠶᠢ ᠡᠭᠦᠳᠬᠦ ᠲᠤᠷᠰᠢᠯᠲᠠᠶᠢᠨ ᠣᠷᠣᠨᠠᠴᠠ ᠬᠠᠷᠪᠤᠪᠠ᠃ ᠵᠦᠩ ᠺᠧ ᠳᠠᠭᠠᠭᠤᠯᠢ ᠣᠳᠣᠨ 05 ᠤᠳᠤ᠂ ᠤᠯᠠᠨ ᠴᠢᠳᠠᠮᠵᠢᠲᠦ ᠲᠤᠷᠰᠢᠯᠲᠠᠶᠢᠨ ᠬᠣᠶᠠᠳᠤᠭᠠᠷ ᠳᠠᠭᠠᠭᠤᠯᠢ ᠣᠳᠣᠨ 01 ᠤᠳᠤ᠂ 02 ᠤᠳᠤ᠂ 03 ᠤᠳᠤ （ᠲᠢᠶᠠᠨ ᠲᠦᠸᠧ ᠵᠢᠷᠭᠤᠳᠤᠭᠠᠷ ᠳᠠᠭᠠᠭᠤᠯᠢ ᠤᠳᠤ）᠂ ᠲᠢᠶᠠᠨ ᠶᠠᠨ 26 ᠤᠳᠤ᠂ ThumbSat-1 ᠳᠠᠭᠠᠭᠤᠯᠢ ᠤᠳᠤ᠂ ThumbSat-2 ᠳᠠᠭᠠᠭᠤᠯᠢ ᠤᠳᠤ ᠵᠡᠷᠭᠡ 7 ᠳᠠᠭᠠᠭᠤᠯᠢ ᠤᠳᠤᠶᠢ ᠵᠢᠱ᠌ᠢᠭᠰᠡᠨ ᠲᠣᠭᠣᠷᠢᠯᠲᠠᠶᠢᠨ ᠵᠠᠮᠳᠤ ᠤᠷᠤᠭᠰᠢᠲᠠᠢᠪᠠᠷ ᠬᠦᠷᠭᠡᠵᠦ᠂ ᠨᠢᠰᠦᠯᠲᠡ ᠲᠤᠷᠱᠢᠬᠤ ᠡᠭᠦᠷᠭᠡᠪᠠᠨ ᠲᠡᠭᠦᠰ ᠠᠮᠵᠢᠯᠲᠠᠲᠠᠢ ᠪᠡᠶᠡᠯᠡᠭᠦᠯᠪᠡ᠃
ᠵᠦᠩ ᠺᠧ ᠳᠠᠭᠠᠭᠤᠯᠢ ᠣᠳᠣᠨ 05 ᠤᠳᠤᠶᠢᠨ ᠭᠣᠣᠯ ᠠᠴᠢᠶᠠ ᠨᠢ X ᠳᠣᠯᠭᠢᠶᠠᠨ ᠲᠠᠰᠤᠯᠪᠤᠷᠢᠶᠢᠨ ᠨᠡᠢᠯᠡᠮᠡᠯ ᠨᠡᠭᠡᠭᠡᠴᠡᠲᠦ ᠷᠠᠳᠠᠷ᠂ ᠳᠦᠷᠰᠦᠶ᠋ᠢᠨ ᠢᠯᠭᠠᠮᠵᠢ ᠨᠢ 1 ᠮᠧᠲᠷᠡᠴᠡ ᠳᠠᠪᠠᠭᠤᠯᠢᠭ᠋ ᠪᠠᠢᠵᠤ᠂ ᠬᠠᠮᠤᠭᠤᠨ ᠶᠡᠬᠡ ᠠᠵᠢᠭ᠍ᠯᠠᠯᠲᠠᠶ᠋ᠢᠨ ᠬᠡᠪᠴᠢᠶᠡᠨᠦ ᠥᠷᠭᠡᠨ ᠨᠢ 300 ᠺᠢᠯᠣᠮᠧᠲᠷᠢ ᠳᠠᠪᠠᠭᠰᠠᠨ ᠪᠠᠢᠳᠠᠭ᠃ ᠡᠨᠡ ᠬᠦ᠌ ᠳᠠᠭᠠᠭᠤᠯᠢ ᠣᠳᠣ ᠨᠢ ᠲᠤᠢᠯᠤᠨ ᠣᠷᠣᠨ᠂ ᠳᠠᠯᠠᠢ ᠲᠠᠩᠭᠢᠰ ᠵᠡᠷᠭᠡ ᠥᠷᠭᠡᠨ ᠬᠡᠪᠴᠢᠶᠡᠨᠦ ᠠᠵᠢᠭ᠍ᠯᠠᠬᠤ ᠲᠠᠯᠠᠪᠤᠷᠲᠠᠬᠢ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠤᠨ ᠴᠢᠳᠠᠪᠤᠷᠢ ᠨᠢ ᠲᠣᠪᠣᠢᠮᠠ ᠪᠠᠢᠵᠤ᠂ ᠪᠦᠬᠦ ᠲᠤᠢᠯᠰᠢᠷᠠᠯᠤᠨ SAR ᠠᠴᠢᠶᠠᠯᠠᠪᠤᠷᠢᠶᠢᠨ ᠳ᠋ᠠᠢᠲ᠋ᠠ ᠦᠢᠯᠡᠴᠢᠯᠡᠭᠡᠶᠢ ᠬᠠᠩᠭᠠᠵᠤ ᠪᠣᠯᠣᠨᠠ᠃
ᠲᠢᠶᠠᠨ ᠶᠠᠨ 26 ᠣᠳᠣ᠌ ᠪᠣᠯ ᠨᠢᠭᠡᠨ ᠬᠥᠩᠭᠡᠨ ᠵᠢᠵᠢᠭ ᠬᠡᠯᠪᠡᠷᠢᠲᠦ ᠦᠵᠡᠭᠳᠡᠬᠦ ᠭᠡᠷᠡᠯ + ᠬᠡᠳᠦ ᠤᠯᠠᠭᠠᠨᠤ ᠭᠠᠵᠠᠷᠤᠨ ᠭᠠᠳᠠᠷᠭᠤᠳᠤ ᠬᠠᠨᠳᠤᠭᠤᠯᠤᠭᠰᠠᠨ ᠬᠠᠢᠨ ᠱᠢᠨᠵᠢᠯᠡᠬᠦ᠌ ᠠᠯᠤᠰ ᠰᠡᠷᠡᠯᠦᠨ ᠬᠤᠳᠠᠯᠳᠤᠭᠠᠨᠤ ᠳᠠᠭᠠᠭᠤᠯᠢ ᠣᠳᠣ᠌ ᠪᠣᠯᠣᠨᠠ᠃
ThumbSat ᠳᠠᠭᠠᠭᠤᠯᠢ ᠤᠳᠤ ᠨᠢ ThumbSat-1 ᠳᠠᠭᠠᠭᠤᠯᠢ ᠤᠳᠤ ᠪᠠ ThumbSat-2 ᠳᠠᠭᠠᠭᠤᠯᠢ ᠤᠳᠤ ᠭᠡᠬᠦ ᠬᠣᠶᠠᠷ ᠳᠠᠭᠠᠭᠤᠯᠢ ᠤᠳᠤᠪᠠᠷ ᠪᠦᠷᠢᠯᠳᠦᠵᠦ᠂ ᠰᠠᠨᠰᠠᠷ ᠠᠶᠠᠯᠠᠯᠤᠨ ᠮᠡᠷᠭᠡᠵᠢᠯᠢ ᠤᠯᠠᠨ ᠲᠦᠮᠡᠨᠡ ᠬᠡᠷᠡᠭ᠌ᠯᠡᠭ᠌ᠳᠡᠬᠦ᠌᠂ ᠪᠠᠭᠠ ᠬᠡᠯᠪᠡᠷᠢᠵᠢᠭᠦᠯᠬᠦ ᠪᠠ ᠥᠪᠡᠷᠦᠨ ᠦᠷᠳᠡᠭᠢᠶᠡᠷ ᠳᠣᠣᠷᠠ ᠪᠠᠢᠯᠭᠠᠬᠤ ᠰᠢᠨᠡ ᠡᠭᠦᠳᠦᠯᠲᠡᠶ᠋ᠢᠨ ᠴᠢᠨᠠᠷᠲᠠᠢ ᠬᠤᠳᠠᠯᠳᠤᠭᠠᠨᠤ ᠰᠠᠨᠰᠠᠷ ᠠᠶᠠᠯᠠᠯᠤᠨ ᠲᠥᠯᠥᠪᠯᠡᠭᠡᠳᠦ ᠬᠠᠷᠢᠶᠠᠯᠠᠭᠳᠠᠨᠠ᠃ ᠡᠨᠡ ᠬᠦ᠌ ᠤᠳᠠᠭᠠᠨᠤ ᠬᠠᠷᠪᠤᠯᠲᠠᠶᠢᠨ ᠭᠣᠣᠯ ᠡᠭᠦᠷᠭᠡ ᠨᠢ ᠲᠠᠪᠴᠠᠩᠤᠨ ᠳᠣᠣᠷᠠ ᠲᠣᠭᠣᠷᠢᠯ ᠵᠠᠮᠲᠤ ᠴᠢᠮᠡᠭᠡ ᠬᠣᠯᠪᠣᠭᠠᠨᠤ ᠴᠢᠳᠠᠪᠤᠷᠢ ᠵᠢᠴᠢ ᠠᠴᠢᠶᠠᠯᠠᠪᠤᠷᠢᠶᠢᠨ ᠳᠦᠷᠰᠦ ᠱᠢᠩᠭᠡᠭᠡᠯᠲᠡᠶ᠋ᠢᠨ ᠳᠠᠮᠵᠢᠭᠤᠯᠬᠤ ᠴᠢᠳᠠᠪᠤᠷᠢᠶᠢ ᠰᠢᠯᠭᠠᠨ ᠭᠡᠷᠡᠴᠢᠯᠡᠵᠦ᠍᠂ ᠬᠣᠢᠱᠢᠲᠠᠳᠤᠪᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠵᠡᠷᠭᠡ ᠬᠦᠷᠢᠶᠡᠨᠤ ᠣᠯᠠᠨ ᠤᠯᠤᠰᠤᠨ ᠬᠠᠮᠲᠤᠷᠠᠯᠴᠠᠭᠠᠳᠤ ᠬᠠᠨᠳᠤᠭᠤᠯᠤᠭᠰᠠᠨ ᠨᠢᠭᠡᠨ ᠢᠵᠢ ᠳᠣᠣᠷᠠ ᠪᠠᠷᠢᠮᠵᠢᠶᠠᠨᠤ ᠲᠥᠰᠥᠯᠢ ᠬᠠᠩᠭᠠᠬᠤ ᠪᠣᠯᠣᠨᠠ᠃ ThumbSat ᠳᠠᠭᠠᠭᠤᠯᠢ ᠤᠳᠤᠶᠢ ᠮᠧᠺᠰᠢᠺᠦᠶᠢᠨ ThumbSat ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠣᠮᠫᠠᠨᠢᠠᠴᠠ ᠬᠠᠷᠢᠭᠤᠴᠠᠨ ᠰᠤᠳᠤᠯᠤᠨ ᠦᠢᠯᠡᠳᠴᠦ᠂ ᠵᠦᠩ ᠺᠧ ᠰᠠᠨᠰᠠᠷ ᠠᠶᠠᠯᠠᠯᠤᠨ ᠮᠡᠷᠭᠡᠵᠢᠯᠦᠨ ᠬᠤᠪᠢᠴᠠᠭᠠᠲᠤ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢ ᠨᠢ ᠨᠡᠢᠳᠡᠮ ᠬᠡᠷᠡᠭᠯᠡᠭᠡᠨᠦ ᠵᠠᠯᠭᠠᠭᠠᠰᠤ ᠪᠣᠯᠬᠤ ᠳᠠᠭᠠᠭᠤᠯᠢ ᠣᠳᠣ ᠪᠠ ᠰᠣᠮᠣᠨᠤ ᠰᠠᠯᠭᠠᠬᠤ ᠪᠠᠢᠷᠢᠯᠠᠭᠤᠯᠤᠷᠢ ᠲᠦᠬᠦᠷᠵᠢᠭᠦᠯᠵᠦ᠍᠂ ᠬᠡᠪᠴᠢᠶᠡᠵᠢᠯ ᠲᠠᠢ ᠬᠠᠭᠤᠯᠪᠤᠷᠢᠯᠠᠨ ᠦᠢᠯᠡᠳᠬᠦ ᠪᠠ ᠬᠡᠰᠡᠭᠴᠢᠯᠡᠨ ᠳᠡᠰ ᠳᠡᠪᠰᠢᠭᠦᠯᠬᠦ ᠴᠢᠳᠠᠪᠤᠷᠢᠲᠠᠢ ᠪᠠᠢᠳᠠᠭ᠃ ᠳᠤᠮᠳᠠᠳᠤ ᠪᠠ ᠮᠧᠺᠰᠢᠺᠦ ᠬᠣᠶᠠᠷ ᠤᠯᠤᠰᠤᠨ ᠳᠠᠭᠠᠭᠤᠯᠢ ᠤᠳᠤᠨᠤ ᠪᠦᠬᠦᠯᠢ ᠤᠳᠤᠨᠤ ᠬᠦᠷᠢᠶᠡᠨᠳᠡᠬᠢ ᠰᠢᠪᠲᠤᠯᠤᠯᠲᠠᠶᠢᠨ ᠴᠢᠨᠠᠷᠲᠠᠢ ᠬᠠᠮᠲᠤᠷᠠᠯᠴᠠᠭᠠ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠲᠤᠰ ᠲᠦᠷᠦᠯ ᠵᠦᠢᠯ ᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠠᠨᠰᠠᠷ ᠠᠶᠠᠯᠠᠯᠤᠨ ᠬᠢᠨ ᠤᠮᠠᠷᠠᠲᠤ ᠠᠮᠧᠷᠢᠺᠠᠶᠢᠨ ᠬᠤᠳᠠᠯᠳᠤᠭᠠᠨᠤ ᠵᠠᠬᠠ ᠳᠡᠯᠭᠡᠭᠦᠷᠲᠦ ᠴᠢᠬᠤᠯᠠ ᠰᠢᠪᠲᠤᠯᠤᠯᠲᠠᠲᠠᠢ ᠪᠣᠯᠤᠭᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
ᠲᠠᠨᠢᠯᠴᠠᠭᠤᠯᠤᠭᠰᠠᠨᠢᠶᠠᠷ᠂ ᠥᠩᠭᠡᠷᠡᠭᠰᠡᠨᠦ ᠬᠢᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠡᠨᠡ ᠬᠦ᠌ ᠤᠳᠠᠭᠠᠨᠤ ᠡᠭᠦᠷᠭᠡᠪᠡᠨ 《ᠭᠤᠷᠪᠠᠶᠢ ᠨᠢᠭᠡᠳᠬᠡᠭᠰᠡᠨ》 ᠱᠢᠯᠵᠢᠭᠦᠯᠵᠦ᠍ ᠵᠠᠯᠭᠠᠬᠤ ᠪᠠᠭᠠᠵᠢ ᠤᠭ᠍ᠰᠠᠷᠠᠬᠤᠶ᠋ᠢ ᠵᠢᠷᠤᠵᠤ ᠲᠥᠯᠥᠪᠯᠡᠬᠦᠪᠡᠷ ᠳᠠᠮᠵᠢᠭᠤᠯᠤᠨ᠂ ᠳᠠᠭᠠᠭᠤᠯᠢ ᠣᠲᠣ᠌ ᠪᠠ ᠰᠣᠮᠣᠶᠢ ᠲᠦᠷᠭᠡᠨ ᠵᠠᠯᠭᠠᠬᠤᠪᠠᠨ ᠪᠠᠲᠤᠯᠠᠭ᠍ᠰᠠᠨᠤ ᠬᠠᠮᠲᠤ᠂ ᠲᠣᠭᠣᠷᠢᠯᠲᠠᠶᠢᠨ ᠵᠠᠮᠳᠤ ᠣᠷᠣᠬᠤ ᠨᠢᠰᠦᠯᠲᠡᠶᠢᠨ 《ᠱᠢᠯᠵᠢᠭᠦᠯᠵᠦ᠍ ᠵᠠᠯᠭᠠᠬᠤ ᠴᠠᠭᠠᠷᠢᠭᠢ ᠲᠠᠶᠠᠭ᠍ᠳᠠᠵᠤ》 ᠬᠦᠨᠳᠦᠴᠡᠶ᠋ᠢ ᠨᠢ ᠪᠠᠭᠤᠷᠠᠭᠤᠯᠬᠤ ᠵᠢᠷᠤᠭ ᠲᠥᠯᠥᠪᠯᠡᠭᠡᠶᠢ ᠪᠡᠶᠡᠯᠡᠭᠦᠯᠪᠡ᠃ ᠡᠮᠦᠨᠡᠬᠢ ᠬᠤᠭᠤᠴᠠᠭᠠᠨᠤ ᠨᠢᠰᠦᠯᠲᠡᠶᠢᠨ ᠡᠭᠦᠷᠭᠡᠳᠦ ᠶᠡᠬᠡ ᠬᠡᠮᠵᠢᠶᠡᠨᠦ ᠠᠯᠤᠰ ᠬᠡᠮᠵᠢᠯᠲᠡᠶᠢᠨ ᠳ᠋ᠠᠢᠲ᠋ᠠᠶ᠋ᠢ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠬᠡᠮᠵᠢᠯᠲᠡᠶᠢᠨ ᠰᠢᠰᠲᠧᠮᠳᠦ 《ᠠᠯᠤᠰ ᠬᠡᠮᠵᠢᠯᠲᠡᠶ᠋ᠢᠨ ᠱᠢᠰᠲ᠋ᠧᠮᠢ ᠳᠦᠭᠦᠮᠴᠢᠯᠡᠬᠦ᠌》 ᠵᠢᠷᠤᠭ ᠲᠥᠯᠥᠪᠯᠡᠭᠡ ᠬᠢᠵᠦ᠂ ᠬᠡᠰᠡᠭ ᠢᠯᠡᠭᠦᠴᠡ ᠠᠯᠤᠰ ᠬᠡᠮᠵᠢᠯᠲᠡᠶᠢᠨ ᠰᠡᠷᠡᠯ ᠳᠠᠮᠵᠢᠭᠤᠯᠤᠭᠤᠷ ᠪᠠ ᠬᠠᠮᠢᠶᠠ ᠪᠦᠬᠦᠢ ᠬᠡᠮᠵᠢᠯᠲᠡᠶᠢᠨ ᠴᠤᠭᠯᠠᠭᠤᠯᠬᠤ ᠰᠢᠰᠲᠧᠮᠢ ᠬᠦᠴᠦᠨ ᠦᠭᠡᠢ ᠪᠣᠯᠭᠠᠵᠤ᠂ ᠬᠡᠮᠵᠢᠯᠲᠡᠶᠢᠨ ᠰᠢᠰᠲᠧᠮᠦᠨ ᠬᠦᠨᠳᠦᠴᠡᠶᠢ ᠨᠢ ᠪᠠᠭᠤᠷᠠᠭᠤᠯᠬᠤᠶᠢ ᠪᠡᠶᠡᠯᠡᠭᠦᠯᠪᠡ᠃ 《ᠬᠤᠳᠠᠯᠳᠤᠭᠠᠨᠤ ᠲᠡᠢᠷᠦᠯᠲᠦ ᠰᠤᠮᠤᠶ᠋ᠢᠨ ᠬᠠᠷᠪᠤᠯᠲᠠᠶ᠋ᠢᠨ ᠥᠪᠡᠷᠦᠨ ᠥᠷᠲᠡᠭ ᠪᠠ ᠠᠴᠢᠶᠠᠯᠠᠬᠤ ᠴᠢᠳᠠᠪᠤᠷᠢ ᠪᠣᠯ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠠᠩᠬᠠᠷᠤᠯᠢ ᠲᠠᠲᠠᠭᠰᠠᠭᠠᠷ ᠢᠷᠡᠭᠰᠡᠨ ᠬᠣᠶᠠᠷ ᠶᠡᠬᠡ ᠭᠣᠣᠯ ᠭᠦᠢᠴᠡᠳᠬᠡᠯ ᠲᠣᠭᠠ ᠪᠣᠯᠣᠨᠠ᠂ ᠳᠡᠭᠡᠷᠡᠬᠢ ᠬᠦᠨᠳᠦᠴᠡᠶ᠋ᠢ ᠨᠢ ᠪᠠᠭᠤᠷᠠᠭᠤᠯᠬᠤ ᠠᠷᠭᠠ ᠬᠡᠮᠵᠢᠶᠡᠪᠡᠷ ᠳᠠᠮᠵᠢᠭᠤᠯᠤᠨ ᠠᠴᠢᠶᠠᠯᠠᠬᠤ ᠴᠢᠳᠠᠪᠤᠷᠢᠶ᠋ᠢ 100 ᠺᠢᠯᠣᠭ᠌ᠷᠠᠮ ᠰᠢᠬᠠᠮ ᠳᠡᠭᠡᠭ᠌ᠰᠢᠯᠡᠭᠦᠯᠵᠡᠢ᠂ ᠡᠭᠦᠨᠢ ᠦᠨᠳᠦᠰᠦᠯᠡᠪᠡᠯ ᠤᠳᠠᠭᠠ ᠪᠦᠷᠢᠶ᠋ᠢᠨ ᠬᠠᠷᠪᠤᠯᠲᠠᠳᠤ ᠠᠷᠪᠢᠯᠠᠬᠤ ᠥᠪᠡᠷᠦᠨ ᠥᠷᠲᠡᠭ ᠨᠢ ᠠᠷᠠᠳᠤᠨ ᠵᠣᠭᠣᠰᠢᠶᠠᠷ ᠪᠣᠯ 500 ᠲᠦᠮᠡᠨ ᠲᠥᠭᠥᠷᠢᠭᠢ ᠳᠠᠪᠠᠬᠤ ᠪᠣᠯᠣᠨᠠ》 ᠭᠡᠵᠦ ᠬᠦᠴᠦᠲᠦ ᠰᠣᠮᠣ ᠨᠢᠭᠡᠳᠦᠭᠡᠷᠤᠨ ᠶᠡᠷᠦᠩᠬᠡᠢ ᠵᠢᠷᠤᠭ᠍ᠯᠠᠨ ᠲᠦᠯᠦᠪᠯᠡᠭ᠌ᠴᠢ ᠱᠢ ᠰᠢᠶᠣᠣ ᠨᠢᠩ ᠢᠯᠡᠳᠬᠡᠪᠡ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠬᠦᠴᠦᠲᠦ ᠰᠤᠮᠤ ᠨᠢᠭᠡᠳᠦᠭᠡᠷ ᠠᠯᠤᠰ ᠰᠡᠷᠡᠯᠦᠨ ᠠᠷᠪᠠᠳᠤᠭᠠᠷ ᠬᠥᠯᠭᠡ ᠲᠡᠢᠷᠦᠯᠲᠦ ᠰᠤᠮᠤᠶ᠋ᠢᠨ ᠪᠡᠶᠡᠳᠦ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠡᠭᠲᠡᠢᠴᠦᠳᠦᠨ ᠰᠡᠳᠬᠦᠯᠦᠨ 《ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠡᠭᠲᠡᠢᠴᠦᠳ》 ᠭᠡᠰᠡᠨ ᠨᠡᠷᠡᠶᠢ ᠳᠦᠷᠭᠢᠵᠦ ᠱᠢᠷᠳᠡᠨ ᠴᠢᠮᠡᠭᠯᠡᠵᠡᠢ ᠃ 2025 ᠣᠨᠤ ᠪᠦᠬᠦ ᠪᠥᠮᠪᠥᠷᠴᠡᠭᠦᠨ ᠡᠮᠡᠭᠲᠡᠢᠴᠦᠳᠦᠨ ᠲᠦᠷᠦᠭᠦᠴᠦᠳᠦᠨ ᠬᠤᠷᠠᠯ ᠤᠳᠠᠯ ᠦᠭᠡᠢ ᠬᠤᠷᠠᠯᠳᠤᠬᠤ ᠭᠡᠵᠦ ᠪᠠᠢᠭᠠ ᠲᠠᠰᠢᠷᠠᠮᠢᠶᠡᠷ᠂ ᠬᠦᠴᠦᠲᠦ ᠰᠤᠮᠤ ᠨᠢᠭᠡᠳᠦᠭᠡᠷᠢ ᠬᠠᠷᠪᠤᠵᠤ᠂ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠡᠷᠬᠡ ᠲᠡᠭᠰᠢ ᠪᠠᠢᠬᠤᠶᠢ ᠠᠬᠢᠭᠤᠯᠬᠤ᠂ ᠰᠠᠢᠨ ᠰᠠᠢᠬᠠᠨ ᠢᠷᠡᠭᠡᠳᠦᠢᠶᠢ ᠬᠠᠮᠲᠤᠪᠠᠷ ᠪᠠᠢᠭᠤᠯᠵᠤ ᠬᠠᠮᠲᠤᠪᠠᠷ ᠡᠳ᠋ᠯᠡᠬᠦ ᠴᠠᠭ ᠦᠶᠡᠶᠢᠨ ᠬᠦᠴᠦᠲᠦ ᠳᠠᠭᠤᠨᠢ ᠳᠡᠯᠡᠬᠡᠢ ᠳᠠᠬᠢᠨᠳᠤ ᠳᠠᠮᠵᠢᠭᠤᠯᠪᠠ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠵᠦᠩ ᠺᠧ ᠰᠠᠨᠰᠠᠷ ᠠᠶᠠᠯᠠᠯᠤᠨ ᠮᠡᠷᠭᠡᠵᠢᠯᠦᠨ ᠬᠤᠪᠢᠴᠠᠭᠠᠲᠤ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢ ᠪᠣᠯ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠠᠬᠢ ᠴᠤᠷᠢᠶ᠋ᠢᠨ ᠭᠠᠭᠴᠠ ᠣᠯᠠᠨ ᠤᠳᠠᠭᠠ ᠭᠠᠳᠠᠭᠠᠳᠤ ᠭᠠᠷᠠᠭᠲᠤ ᠠᠴᠢᠶᠠᠯᠠᠨ ᠬᠠᠷᠪᠤᠬᠤ ᠶᠠᠪᠤᠳᠠᠯᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠠᠷᠠᠳᠠᠴᠠ ᠡᠵᠡᠩᠨᠡᠭ᠌ᠰᠡᠨ ᠬᠤᠳᠠᠯᠳᠤᠭᠠᠨᠤ ᠲᠡᠢᠷᠦᠯᠲᠦ ᠰᠤᠮᠤᠶᠢᠨ ᠺᠣᠮᠫᠠᠨᠢ ᠪᠣᠯᠣᠨᠠ᠂ ᠬᠠᠷᠪᠤᠯᠲᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠲᠤᠬᠠᠢᠯᠠᠭ᠍ᠰᠠᠨ ᠠᠵᠢᠯ ᠨᠢ ᠠᠽᠢᠶᠠ ᠲᠢᠪ᠂ ᠡᠸᠦ᠋ᠷᠦᠫᠡ ᠲᠢᠪ᠂ ᠤᠮᠠᠷᠠᠲᠤ ᠠᠮᠧᠷᠢᠺᠠ᠂ ᠳᠤᠮᠳᠠᠳᠤ ᠳᠣᠷᠣᠨᠠᠲᠤ ᠵᠡᠷᠭᠡ ᠣᠷᠣᠨ ᠪᠦᠰᠡᠶᠢ ᠬᠠᠮᠤᠷᠤᠭᠰᠠᠨ ᠪᠠᠢᠨᠠ᠃ ᠡᠨᠡ ᠬᠦ᠌ ᠤᠳᠠᠭᠠᠨᠤ ᠡᠭᠦᠷᠭᠡ ᠪᠣᠯ ᠬᠦᠴᠦᠲᠦ ᠰᠤᠮᠤ ᠨᠢᠭᠡᠳᠦᠭᠡᠷ ᠬᠥᠯᠭᠡ ᠲᠡᠢᠷᠦᠯᠲᠦ ᠰᠤᠮᠤᠶ᠋ᠢᠨ ᠨᠠᠢ᠍ᠮᠠᠳᠠᠭᠢ ᠤᠳᠠᠭᠠᠨᠤ ᠨᠢᠰᠦᠯᠲᠡ ᠪᠣᠯᠣᠨᠠ᠃ ᠬᠦᠴᠦᠲᠦ ᠰᠤᠮᠤ ᠨᠢᠭᠡᠳᠦᠭᠡᠷ ᠨᠢ ᠳᠤᠮᠳᠠ ᠪᠠᠭᠠ ᠬᠡᠯᠪᠡᠷᠢᠶᠢᠨ ᠳᠠᠭᠠᠭᠤᠯᠢ ᠤᠳᠤᠶᠢ ᠬᠠᠷᠪᠤᠬᠤᠳᠤ ᠬᠠᠮᠤᠭᠤᠨ ᠲᠡᠷᠢᠭᠦᠨ ᠰᠤᠩᠭᠤᠯᠲᠠᠶ᠋ᠢᠨ ᠲᠡᠢᠷᠦᠯᠲᠦ ᠰᠤᠮᠤ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠠᠷᠠᠳᠠᠴᠠ ᠡᠵᠡᠩᠨᠡᠭ᠌ᠰᠡᠨ ᠬᠤᠳᠠᠯᠳᠤᠭᠠᠨᠤ ᠲᠡᠢᠷᠦᠯᠲᠦ ᠰᠤᠮᠤ ᠬᠠᠷᠪᠤᠬᠤ ᠦᠢᠯᠡᠴᠢᠯᠡᠭᠡᠨᠦ ᠵᠠᠬᠠ ᠳᠡᠯᠭᠡᠭᠦᠷᠲᠠᠬᠢ ᠡᠵᠡᠯᠡᠬᠦ ᠨᠤᠷᠮᠠ ᠨᠢ ᠨᠢᠭᠡᠳᠦᠭᠡᠷᠲᠦ ᠪᠠᠢᠷᠢᠯᠠᠵᠤ᠂ ᠨᠢᠭᠡᠨᠲᠡ 70 ᠳᠠᠭᠠᠭᠤᠯᠢ ᠤᠳᠤᠶᠢ ᠣᠨᠣᠴᠠᠲᠠᠢᠪᠠᠷ ᠵᠢᠱ᠌ᠢᠭᠰᠡᠨ ᠲᠣᠭᠣᠷᠢᠯᠲᠠᠶ᠋ᠢᠨ ᠵᠠᠮᠳᠤ ᠣᠷᠣᠭᠤᠯᠵᠤ᠂ ᠲᠣᠭᠤᠷᠢᠯᠲᠠᠶ᠋ᠢᠨ ᠵᠠᠮᠳᠤ ᠣᠷᠣᠬᠤ ᠠᠴᠢᠶᠠᠯᠠᠪᠤᠷᠢᠶ᠋ᠢᠨ ᠶᠡᠷᠦᠩᠬᠡᠢ ᠮᠠᠰ ᠨᠢ 7 ᠲᠣᠨᠢ ᠳᠠᠪᠠᠵᠤ᠂ ᠳᠠᠷᠠᠭᠠᠴᠢᠪᠠᠷ ᠨᠢᠭᠡ ᠤᠳᠠᠭᠠᠳᠤ 50 ᠤᠳᠤᠶᠢ ᠬᠠᠷᠪᠤᠬᠤ ᠬᠡᠷᠡᠭᠯᠡᠭᠡᠨᠦ ᠬᠠᠷᠪᠤᠯᠲᠠᠶᠢᠨ ᠴᠢᠳᠠᠪᠤᠷᠢᠶᠢ ᠪᠦᠷᠢᠯᠳᠦᠭᠦᠯᠬᠦ ᠪᠣᠯᠣᠨᠠ᠃
