8 ᠳ᠋ᠤᠭᠠᠷ ᠰᠠᠷᠠᠶᠢᠨ 3ᠤ ᠡᠳᠦᠷ ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠬᠥᠬᠡᠬᠣᠲᠠ ᠲᠣᠪᠴᠢᠶᠠᠨᠤ ᠪᠦᠯᠦᠭᠯᠡᠯᠤᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ （ᠳᠣᠷᠣᠭ᠍ᠰᠢ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠬᠥᠬᠡᠬᠣᠲᠠ ᠲᠣᠪᠴᠢᠶᠠ ᠭᠡᠵᠦ ᠲᠣᠪᠴᠢᠯᠠᠨᠠ）ᠠᠴᠠ ᠣᠢᠯᠠᠭᠠᠭᠰᠠᠨᠢᠶᠠᠷ ᠂ 7 ᠳ᠋ᠤᠭᠠᠷ ᠰᠠᠷᠠᠶᠢᠨ 31ᠤ ᠡᠳᠦᠷ ᠪᠣᠯᠲᠠᠯᠠ ᠂ 62 ᠡᠳᠦᠷᠤᠨ ᠬᠤᠭᠤᠴᠠᠭᠠ ᠪᠦᠬᠦᠢ ᠵᠤᠨᠤ ᠠᠮᠠᠷᠠᠯᠲᠠᠶᠢᠨ ᠵᠥᠭᠡᠭᠡᠪᠦᠷᠢᠶᠢᠨ ᠠᠵᠢᠯ ᠳᠤᠮᠳᠠᠯᠠᠵᠤ᠂ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠬᠥᠬᠡᠬᠣᠲᠠ ᠲᠣᠪᠴᠢᠶᠠᠨ ᠤ ᠠᠶᠠᠨᠴᠢᠳ ᠵᠥᠭᠡᠭᠡᠪᠦᠷᠢᠯᠡᠭ᠌ᠰᠡᠨ ᠲᠣᠭᠠ ᠨᠡᠢᠲᠡ 441.7 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠ ᠳᠤ ᠬᠦᠷᠴᠦ᠍᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ 1.5 %ᠪᠠᠷ ᠨᠡᠮᠡᠭᠳᠡᠪᠡ ᠃
ᠵᠣᠨᠤ ᠵᠥᠭᠡᠭᠡᠪᠦᠷᠢ ᠨᠢ ᠥᠪᠥᠷ ᠮᠣᠩᠭᠤᠯᠤᠨ ᠵᠢᠭᠤᠯᠴᠢᠯᠠᠯᠤᠨ ᠬᠥᠭᠵᠢᠶᠡᠨᠲᠦ ᠤᠯᠠᠷᠢᠯ ᠯᠤᠭᠠ ᠳᠣᠬᠢᠶᠠᠯᠳᠤᠵᠤ ᠂ ᠲᠡᠮᠦᠷ ᠵᠠᠮᠤᠨ ᠠᠶᠠᠨᠴᠢᠳ ᠨᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠤᠮᠳᠠ ᠪᠠᠷᠠᠭᠤᠨ ᠬᠡᠰᠡᠭᠤᠨ ᠭᠠᠵᠠᠷ ᠣᠷᠣᠨ ᠪᠠ ᠪᠡᠭᠡᠵᠢᠩᠤᠨ ᠬᠤᠭᠤᠷᠣᠨᠳᠤ ᠂ ᠬᠥᠬᠡᠬᠤᠲᠠ ᠂ ᠪᠤᠭᠤᠲᠤ ᠂ ᠣᠷᠳᠣᠰ ᠂ ᠤᠯᠠᠭᠠᠨᠴᠠᠪ ᠵᠡᠷᠭᠡ ᠬᠣᠲᠠᠳᠤᠨ ᠬᠤᠭᠤᠷᠣᠨᠳᠣᠬᠢ ᠣᠶ᠋ᠢᠷᠠ ᠵᠠᠮᠤᠨ ᠵᠢᠭᠤᠯᠴᠢᠯᠠᠯ ᠢᠶᠠᠷ ᠨᠡᠯᠢᠶᠡᠳ ᠲᠥᠪᠯᠡᠷᠡᠭ᠌ᠰᠡᠨ ᠪᠠᠢᠨᠠ ᠃ ᠡᠨᠡ ᠵᠢᠯᠤᠨ ᠵᠤᠨᠤ ᠵᠥᠭᠡᠭᠡᠪᠦᠷᠢᠶᠢᠨ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠬᠥᠬᠡᠬᠣᠲᠠ ᠲᠣᠪᠴᠢᠶᠠ ᠬᠥᠬᠡᠬᠣᠲᠠᠶᠢᠨ ᠵᠡᠭᠦᠨ ᠥᠷᠲᠡᠭᠡᠠᠴᠠ ᠬᠠᠨᠺᠸᠦ ᠬᠦᠷᠬᠦ ᠂ ᠬᠥᠬᠡᠬᠣᠲᠠᠶᠢᠨ ᠵᠡᠭᠦᠨ ᠥᠷᠲᠡᠭᠡᠠᠴᠠ ᠶᠠᠩᠵᠧᠦ ᠬᠦᠷᠬᠦ ᠬᠣᠶᠠᠷ ᠬᠣᠣᠰ ᠲᠦᠷᠭᠡᠨᠦ ᠲᠡᠮᠦᠷ ᠵᠠᠮ ᠤᠨ ᠭᠠᠯᠲᠤ ᠲᠡᠷᠭᠡ ᠪᠠ ᠬᠥᠳᠡᠯᠭᠡᠭᠦᠷᠲᠦ ᠭᠠᠯᠲᠤ ᠲᠡᠷᠭᠡᠶᠢ ᠰᠢᠨᠡᠪᠡᠷ ᠡᠬᠢᠯᠡᠭᠦᠯᠵᠦ ᠂ ᠲᠡᠷᠭᠡ ᠨᠡᠪᠲᠡᠷᠡᠭᠰᠡᠨᠠᠴᠠ ᠨᠠᠭᠠᠰᠢ ᠲᠡᠷᠭᠡᠨᠳᠦ ᠰᠠᠭᠤᠭᠰᠠᠨ ᠳᠤᠮᠳᠠᠴᠢ ᠨᠣᠷᠮᠠᠨᠢ ᠲᠤᠰ ᠲᠤᠰ 90% ᠪᠠ 110%ᠳᠤ ᠬᠦᠷᠴᠡᠢ ᠃
ᠵᠤᠨᠤ ᠵᠥᠭᠡᠭᠡᠪᠦᠷᠢ ᠡᠬᠢᠯᠡᠭᠰᠡᠨᠡᠴᠡ ᠨᠠᠭᠠᠰᠢ ᠂ ᠲᠡᠮᠦᠷ ᠵᠠᠮᠤᠨ ᠰᠠᠯᠠᠭᠠ ᠮᠥᠴᠢᠷᠤᠨ ᠬᠢᠨ ᠭᠠᠯᠲᠤ ᠲᠡᠷᠭᠡ ᠠᠶᠠᠯᠠᠭᠤᠯᠬᠤ ᠲᠥᠰᠦᠯᠢ ᠨᠠᠷᠢᠨ ᠨᠢᠮᠪᠠᠢ ᠲᠣᠭᠲᠠᠭᠠᠵᠤ ᠂ ᠬᠠᠯᠠᠮᠰᠢᠯᠲᠤ ᠴᠢᠭᠯᠡᠯ ᠲᠡᠢ ᠠᠶᠠᠯᠠᠯ ᠤᠨ ᠵᠥᠭᠡᠭᠡᠪᠦᠷᠢᠯᠡᠬᠦ ᠬᠦᠴᠦᠨᠢ ᠨᠡᠮᠡᠭᠳᠡᠭᠦᠯᠪᠡ ᠂ ᠡᠳᠦᠷ ᠠᠯᠤᠰᠯᠠᠨ ᠠᠶᠠᠯᠠᠬᠤ ᠠᠶᠠᠨᠴᠢᠳᠤᠨ ᠭᠠᠯᠲᠤ ᠲᠡᠷᠭᠡᠶᠢ ᠬᠠᠮᠤᠭ ᠣᠯᠠᠨᠳᠤᠪᠠᠨ 144.5 ᠬᠣᠣᠰ ᠠᠶᠠᠯᠠᠭᠤᠯᠵᠤ ᠂ ᠡᠭᠦᠨᠳᠤ ᠪᠡᠭᠡᠵᠢᠩ ᠤᠷᠤᠭᠤ ᠠᠶᠠᠯᠠᠭᠤᠯᠤᠭᠰᠠᠨ ᠲᠦᠷᠭᠡᠨᠤ ᠲᠡᠮᠦᠷ ᠵᠠᠮ ᠤᠨ ᠭᠠᠯᠲᠤ ᠲᠡᠷᠭᠡ ᠪᠠ ᠬᠥᠳᠡᠯᠭᠡᠭᠦᠷᠲᠦ ᠭᠠᠯᠲᠤ ᠲᠡᠷᠭᠡ 43 ᠬᠣᠣᠰ ᠂ ᠬᠣᠲᠠᠳᠤᠨ ᠬᠣᠭᠣᠷᠣᠨᠳᠣᠬᠢ ᠬᠥᠳᠡᠯᠭᠡᠭᠦᠷᠲᠦ ᠭᠠᠯᠲᠤ ᠲᠡᠷᠭᠡ ᠂ ᠬᠣᠲᠠᠳᠤᠨ ᠬᠣᠭᠣᠷᠣᠨᠳᠣᠬᠢ ᠭᠠᠯᠲᠤ ᠲᠡᠷᠭᠡ ᠪᠠ ᠡᠩᠤᠨ ᠬᠤᠷᠳᠤᠴᠠᠲᠤ ᠭᠠᠯᠲᠤ ᠲᠡᠷᠭᠡ 40.5 ᠬᠣᠣᠰ ᠪᠠᠢᠪᠠ᠂ ᠸᠸᠨᠵᠸᠦ ᠂ ᠴᠦᠩᠴᠢᠩ ᠂ ᠰᠢ ᠠᠨ ᠂ ᠴᠠᠩᠴᠦ᠋ᠨ ᠵᠡᠷᠭᠡ ᠬᠠᠯᠠᠮᠰᠢᠯᠲᠤ ᠴᠢᠭᠯᠡᠯ ᠲᠡᠢ ᠠᠶᠠᠯᠠᠯ ᠤᠨ ᠠᠶᠠᠨᠴᠢᠳᠤᠨ ᠲᠦᠷ ᠴᠠᠭᠤᠨ ᠭᠠᠯᠲᠤ ᠲᠡᠷᠭᠡᠶᠢ ᠨᠡᠮᠡᠵᠦ᠂ ᠠᠶᠠᠨᠴᠢᠳᠤᠨ ᠵᠤᠨᠤ ᠠᠮᠠᠷᠠᠯᠲᠠᠶᠢᠨ ᠬᠤᠭᠤᠴᠠᠭᠠᠨ ᠳᠠᠬᠢ ᠶᠠᠪᠤᠵᠤ ᠰᠠᠭᠤᠬᠤ ᠬᠡᠷᠡᠭᠴᠡᠭᠡᠶᠢ ᠬᠠᠮᠤᠭ ᠤᠨ ᠶᠡᠬᠡ ᠬᠡᠮᠵᠢᠶᠡᠪᠠᠷ ᠬᠠᠩᠭᠠᠭᠰᠠᠨ ᠪᠠᠢᠨᠠ᠃
ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠣᠶᠣᠯ ᠪᠠ ᠵᠢᠭᠤᠯᠴᠢᠯᠠᠯᠤᠨ ᠠᠭᠤᠰᠤᠯᠴᠠᠨ ᠬᠥᠭᠵᠢᠬᠦ ᠲᠠᠰᠤᠷᠠᠯᠲᠠ ᠥᠬᠡᠶ ᠭᠦᠨᠵᠡᠭᠡᠶ᠋ᠢᠷᠡᠬᠦᠶᠢ ᠳᠠᠭᠠᠯᠳᠤᠨ ᠂ ᠲᠡᠮᠦᠷ ᠵᠠᠮᠤᠨ ᠰᠠᠯᠠᠭᠠ ᠮᠥᠴᠢᠷᠤᠳ 《ᠲᠡᠮᠦᠷ ᠵᠠᠮ + ᠰᠣᠶᠣᠯ ᠵᠢᠭᠤᠯᠴᠢᠯᠠᠯ》ᠤᠨ ᠭᠦᠨᠵᠡᠭᠡᠶ ᠠᠭᠤᠰᠤᠯᠴᠠᠯᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠵᠤ ᠂ ᠠᠶᠠᠨᠴᠢᠳᠤᠨ ᠵᠥᠭᠡᠭᠡᠪᠦᠷᠢᠶᠢᠨ ᠦᠢᠯᠡᠴᠢᠯᠡᠭᠡᠨ ᠳᠤ ᠰᠢᠨᠡᠶᠢ ᠡᠭᠦᠳᠴᠦ ᠂ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠡᠷᠡᠭᠴᠡᠭᠡᠳᠤ ᠴᠢᠭᠯᠡᠭᠦᠯᠦᠨ ᠤᠨᠴᠠᠯᠢᠬ᠍ᠳᠤ ᠲᠤᠰᠬᠠᠶ ᠭᠠᠯᠲᠤ ᠲᠡᠷᠭᠡᠶᠢ ᠡᠬᠢᠯᠡᠵᠦ ᠠᠶᠠᠯᠠᠭᠤᠯᠪᠠ ᠃ ᠳᠠᠭᠤᠤ ᠬᠥᠭᠵᠢᠮᠦᠨ ᠦᠳᠡᠰᠢᠯᠡᠭᠡᠶᠢ ᠰᠣᠨᠢᠷᠬᠠᠬᠤᠪᠠᠷ ᠢᠷᠡᠭᠰᠡᠨ ᠠᠶᠠᠨᠴᠢᠳᠤᠨ ᠪᠤᠴᠠᠬᠤ ᠠᠶᠠᠯᠠᠯ ᠳᠤ ᠦᠢᠯᠡᠴᠢᠯᠡᠬᠦᠶᠢᠨ ᠲᠥᠯᠥᠭᠡ ᠂ 《ᠳᠠᠭᠤᠨᠤ ᠪᠠᠬᠠᠲᠠᠳ ᠤᠨ ᠲᠤᠰᠬᠠᠢ ᠴᠤᠪᠤᠭᠠ ᠲᠡᠷᠭᠡ》 ᠶ᠋ᠢᠨ ᠬᠥᠳᠡᠯᠭᠡᠭᠦᠷᠲᠦ ᠭᠠᠯᠲᠤ ᠲᠡᠷᠭᠡᠶᠢ ᠬᠣᠶᠠᠷ ᠴᠤᠪᠤᠭᠠ ᠨᠡᠮᠡᠵᠦ ᠠᠶᠠᠯᠠᠭᠤᠯᠪᠠ ᠃
《Y》 ᠦᠰᠦᠭᠲᠦ ᠠᠶᠠᠨᠴᠢᠳᠤᠨ ᠲᠦᠷ ᠴᠠᠭᠤᠨ ᠭᠠᠯᠲᠤ ᠲᠡᠷᠭᠡᠶᠢ 12 ᠴᠤᠪᠤᠭᠠ ᠨᠡᠮᠡᠵᠦ ᠠᠶᠠᠯᠠᠭᠤᠯᠤᠨ ᠂ ᠠᠶᠠᠨᠴᠢᠳᠤᠨ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠲᠤ ᠬᠦᠷᠴᠦ 《ᠨᠠᠭᠠᠳᠤᠮ》ᠤᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠬᠤᠳᠤ ᠨᠢ ᠳᠥᠭᠥᠮ ᠦᠵᠡᠭᠦᠯᠪᠡ ᠃ ᠵᠤᠨᠤ ᠠᠮᠠᠷᠠᠯᠲᠠᠶᠢᠨ ᠵᠢᠭᠤᠯᠴᠢᠯᠠᠯ ᠂ ᠭᠡᠷ ᠪᠦᠯᠢᠶᠢᠨ ᠵᠢᠭᠤᠯᠴᠢᠯᠠᠯ ᠂ ᠪᠤᠭᠤᠷᠤᠯᠴᠤᠳᠤᠨ ᠵᠢᠭᠤᠯᠴᠢᠯᠠᠯ ᠂ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠵᠢᠭᠤᠯᠴᠢᠯᠠᠯ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠬᠥᠮᠦᠰᠤᠨ ᠵᠢᠭᠤᠯᠴᠢᠯᠠᠯ ᠢᠶᠠᠷ ᠶᠠᠪᠤᠵᠤ ᠰᠠᠭᠤᠬᠤ ᠬᠡᠷᠡᠭᠴᠡᠭᠡᠶᠢ ᠬᠠᠩᠭᠠᠬᠤᠶᠢᠨ ᠲᠥᠯᠥᠭᠡ ᠂ ᠵᠤᠨᠤ ᠠᠮᠠᠷᠠᠯᠲᠠᠶᠢᠨ ᠵᠥᠭᠡᠭᠡᠪᠦᠷᠢ ᠡᠬᠢᠯᠡᠭᠰᠡᠨᠡᠴᠡ ᠨᠠᠭᠠᠰᠢ ᠂ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠬᠥᠬᠡᠬᠣᠲᠠ ᠲᠣᠪᠴᠢᠶᠠ ᠪᠠᠰᠠ ᠵᠡᠭᠦᠨ ᠬᠣᠢᠲᠤ ᠣᠷᠣᠨ ᠂ ᠰᠢᠨᠵᠢᠶᠠᠩᠳᠤ ᠬᠦᠷᠬᠦ ᠵᠢᠭᠤᠯᠴᠢᠯᠠᠯᠤᠨ ᠲᠤᠰᠬᠠᠢ ᠴᠤᠪᠤᠭᠠ ᠭᠠᠯᠲᠤ ᠲᠡᠷᠭᠡᠶᠢ 4 ᠴᠤᠪᠤᠭᠠ ᠠᠶᠠᠯᠠᠭᠤᠯᠵᠤ ᠂ ᠥᠷᠭᠡᠨ ᠣᠯᠠᠨ ᠲᠦᠮᠡᠨᠤ ᠵᠤᠨᠤ ᠠᠮᠠᠷᠠᠯᠲᠠᠶᠢᠨ ᠬᠤᠭᠤᠴᠠᠭᠠᠨᠳᠠᠬᠢ ᠵᠢᠭᠤᠯᠴᠢᠯᠠᠯᠳᠤ ᠨᠡᠩ ᠣᠯᠠᠨ ᠰᠣᠩᠭᠣᠯᠲᠠ ᠬᠠᠩᠭᠠᠭᠰᠠᠨ ᠪᠠᠢᠨᠠ ᠃
